اسلام آباد:مسلم لیگ (ن)سینئر رہنما خواجہ آصف نے کہا ہے کہ بلوچستان میں لاپتہ افراد والا معاملہ لازمی حل ہونا چاہیے۔پارلیمنٹ ہائوس میں میڈیا سے گفتگو کرتے ہوئے انہوں نے کہا کہ بلوچستان میں اب رواج تبدیل ہونے چاہیے، وہاں مسنگ پرسنز والا بہت بڑا مسئلہ ہے جسے ضرور حل ہونا چاہیے۔انہوں نے کہا کہ تیس چالیس سال سے اقتدار میں بیٹھے بلوچوں کو اب عوام کا بھی سوچنا چاہیے، بلوچستان میں یہ بھی رسم ہے کہ وہاں بڑے لوگوں نے اپنی ذاتی جیلیں بھی بنائی ہوئی ہیں ان میں بھی لوگ قید ہیں۔خواجہ آصف نے مزید کہا کہ مجھے کابینہ کا رکن ہونے سے زیادہ اس پر خوشی ہے کہ مجھے پارٹی قیادت نے پارلیمنٹ لیڈر بنا دیا ہے،ایک سوال کے جواب میں خواجہ آصف نے کہا کہ وزیراعلیٰ خیبر پختونخوا علی امین گنڈہ پور یا کسی بھی وزیر اعلی کے کہنے پر فوجداری مقدمے ختم نہیں ہو سکتے،ایسا ہوتا تو کوئی بھی جیل میں نہ ہوتا جس کی حکومت ہوتی وہ اپنے لیڈر کو جیل سے باہر نکلوا دیتا،یہ بیانات اور تقریریں صرف عوام کو بے وقوف بنانے کیلئے کی جاتی ہیں۔
