اسلام آباد:وفاقی وزیرصنعت و پیداوار رانا تنویر حسین نے وزارت نیشنل فوڈ سکیورٹی کا اضافی چارج بھی سنبھال لیا،جمعرات کے روز وفاقی وزیر نیشنل فوڈ سکیورٹی کے آفس پہنچے جہاں پر وفاقی سیکرٹری نیشنل فوڈ کیپٹن رمحمد آصف اورسینئر افسران نے استقبال کیا اور وزارت بارے بریفنگ دی ،وفاقی وزیر رانا تنویر حسین نے وزارت نیشنل فوڈ سیکورٹی حکام سے حکومتی ترجیحات بارے گفتگو کرتے ہوئے کہا کہ پاکستان زرعی ملک ہے، زراعت معیشیت میں ریڑھ کی ہڈی حیثیت رکھتی ہے،حکومت زرعی شعبے کی ترقی اور پیداواری صلاحیت کو بڑھانے کیلئے پر عزم ہے،زراعت کی ترقی کیلئے تمام تر وسائل بروے کار لائیں گے، زراعت کی ترقی میں ہی پاکستان کی ترقی و خوشحالی پوشیدہ ہے، پاکستان میں زراعت کی ترقی کے عملی اقدامات کو یقینی بناؤں گا،زراعت کی بہتری کیلیے مربوط حکمت عملی تشکیل دیں گے۔
