لاہور(روزنامہ آواز ٹائمز)سیلاب متاثرہ علاقوں میں پاک فوج کی امدادی سرگرمیاں جاری، متاثرین کے لئے پاک آرمی کی جانب سے فری میڈیکل کیمپس اور ریسکیو آپریشنز، سیلاب متاثرین میں فری راشن کی تقسیم کا سلسلہ بھی جاری۔دریائے ستلج میں سیلابی صورتحال سے نمٹنے کیلئے پاک فوج کی بہاولپور ڈویڑن کے نشیبی علاقوں میں امدادی سرگرمیاں جاری ہیں، اس حوالے سے سیلاب متاثرین کے لئے پاک آرمی کی جانب سے فری میڈیکل کیمپس اور ریسکیو آپریشنز کئے ہیں، سیلاب متاثرین میں فری راشن کی تقسیم کا سلسلہ جاری ہے، پاک آرمی کی جانب سے میلسی، چشتیاں، منچناں آباد، پاکپتن، آرفوالا، وہاڑی، لودراں، بورے والا اور ہیڈ سلیمانکی میں مقامی انتظامیہ سے مل کر متاثرہ علاقوں سے سیلاب متاثرین کو محفوظ مقامات پر منتقل کرنیکا سلسلہ جاری ہے، سیلاب کے دوران وبائی امراض سے بچانے کے لیے میڈیکل کیمپس قائم کئے گئے ہیں، میڈیکل کیمپس میں بڑی تعداد میں متاثرین کو مفت طبی امداد فراہم کی جا رہی ہے، علاقہ مکین اس مشکل گھڑی میں پاک فوج کی مدد کے شکرگزار ہیں۔
