مری :وزیر اعلیٰ مریم نواز شریف اور قائد محمد نواز شریف کی زیر صدارت خصوصی اجلاس مری میں ہوا ۔انہیں مری کے مسائل، ضروریات اور ڈویلپمنٹ پراجیکٹس پر بریفننگ دی گئی۔مری کی ڈویلپمنٹ کے لئے جامع پلان طلب کیا گیا ۔مری اور دیگر سیاحتی مقامات پر پلاسٹک پر پابندی کا حکم دیدیا گیا۔مری میں سٹیٹ آف آرٹ ہسپتال بنانے کیلئے سائٹ کا جائزہ لیا گیا ۔مری میں انٹری گاڑیوں کو پرمٹ کارڈ ایشو کرنے کی تجویز کا جائزہ دی گئی اس کے علاوہ مری کے لئے دریا جہلم سے پانی لانے کے لئے واٹر سپلائی سکیم کی اصولی منظوری دیدی گئی۔موجودہ واٹر سکیم کی بحالی اور فلٹریشن کا منصوبہ بھی طلب کرلیا گیا۔مری میں پارکنگ کے لئے کیبل کار اور جدید ٹرام چلانے کے اقدامات کی ہدایت کی گئی۔مری میں گاڑیوں کے داخلے پر پابندی لگانے پر غور کیا گیاہر بلڈنگ میں پارکنگ کی موجودگی یقینی بنانے کی ہدایت کی گئی ۔مری میں غیر قانونی عمارتیں کی نشاندہی کرکے فوری طور پر گرانے کا حکم دیا گیا ۔نیو مری قائم کرنے کے کوٹلی ستیاں اور دیگر علاقوں میں متبادل سیاحتی مقامات میں ڈویلپمنٹ کیا جائے گا۔مری میں موٹر وے کی طرز پر صاف ستھرے ٹائلٹ بنائے جائیں گے۔مری کے لئے سالڈ ویسٹ مینجمنٹ اتھارٹی اور پارکس اینڈ ہارٹیکلچر قائم کرنے کی منظوری دی گئی ۔مری میں تجاوزات کے خاتمے کا حتمی پلان پیش، منظو ری دیدی گئی اس کے علاوہ مری میں بس سٹینڈ کو فنکشنل کرنے اور غیر قانونی اڈے بند کرنے کا فیصلہ کیا گیا ۔مری کی سڑکوں کو ون وے بنانے اور کشادگی کی منظوری دی گئی۔مری کی سڑکوں پر گڑھے ختم کرنے اور گلیوں بازاروں کو بحال کیا جائے گا۔جھیکا گلی چوک کی وسعت کا بھی جائزہ لیا گیا ۔اس موقع پر نواز شریف نے کہاکہ مری کنکریٹ کا جنگل بن چکا ہے۔تعمراتی معیار مدنظر نہیں رکھا گیا۔ لینڈ سلائڈنگ پوائنٹس پر ہوٹلوں۔عمارتوں کی تعمیر خطرناک ثابت ہو سکتا ہے۔ ماضی میں پیسے کمانا مقصد رہا،تاریخی عمارتوں کا قدیمی حسن تباہ کر دیا گیا۔سیاحتی مقامات بد انتظامی کی تصویر بنے ہوئے ہیں۔ شہباز شریف کو مری میں غیر قانونی عمارتیں ہٹانے پر شاباش دیتا ہوں۔ بھدے سٹرکچر مری کے قدرتی حسن کو مسخ کررہے ہیں۔اس موقع پر مریم نواز شریف نے کہاکہ عوام کی زندگی کا تحفظ حکومت کا اولین فرض ہے۔ اجلاسم یں ایم پی اے بلال ستی،چیف سیکرٹری زاہد اختر زمان، کمشنر عامر خٹک، ڈپٹی کمشنر ظہیر شیرازی ، آر پی او اور دیگر حکام موجود تھے۔سینئر منسٹر مریم اورنگزیب ، ایم این اے اسامہ اشفاق سرور کی ویڈیو لنک کے ذریعے شرکت کی۔
