اسلام آباد: رہنما تحریک انصاف شیر افضل مروت نے وزیر اعلی کے پی کے کا دفاع کرتے ہوے کہا ہے کہ علی امین گنڈا پور کا بیان رشوت خوروں کو ڈرانے کیلئے ہے۔ انہوں نے ملازمین کو تنبیہہ کی ہے ۔ اسلام آباد ہائیکورٹ کے باہر میڈیا سے گفتگو کرتے ہوئے انہوں نے کہا کہ عدالت میں یہ بتایا ہے کہ خان صاحب سے ملاقات کے لئے جاتے تو گھنٹوں انتظار کرنا پڑتا تھا، وہاں بیٹھے کی جگہ بھی نہیں ہوتی تھی۔ انہوں نے بتایا کہ عدالت نے کہا کہ عزت نفس کو ملحوظ خاطر رکھیں، عدالت کے اس حکم کے بعد ہمیں ڈیڑھ کلومیٹر دور ہماری گاڑیوں کو روک دیا جاتا تھا، اس روڈ پر گدھا گاڑی،ٹریکٹر، بسیں سب چل سکتی ہیں لیکن خان کے وکلاء کو اتارا جاتا ہے، عدالت نے اس کا نوٹس لیا ہے اور جواب طلب کیا ہے۔ انہوں نے کہا کہ علی امین گنڈاپور کا بیان دراصل رشوت خوروں کو ڈرانے کے لئے ہے، وہ سرکاری ملازمین کو تنبیہ کر رہے ہیں کہ رشوت لینے کے چکر میں کہیں لوگوں سے مار نہ کھائیں۔
