ڈی آئی خان :پیپلز پارٹی کے رہنما فیصل کریم کنڈی نے کہا ہے کہ وزیر اعلیٰ کے پی کہتے ہیں کرپشن کرنے والے کا سر پھاڑ دیں، اگر وزیر اعلیٰ علی امین کرپشن کریں تو انہیں کون اینٹ مارے گا۔ انھیں ابھی تک وزارت اعلی کی کرسی پر بیٹھنے کا یقین نہیں آرہا ۔ مرکز کے ساتھ تعلقات بگاڑ کر ہمارا صوبہ پیچھے رہ جائیگا ۔ میڈیا سے گفتگو کرتے ہوے انہوں نے کہا علی امین گنڈا پور کو خود یقین نہیں کہ وہ وزیر اعلیٰ بن چکے ہیں، وہ اس حقیقت کا ادراک کریں کہ اگر مرکز کے ساتھ تعلقات بگاڑیں گے تو ہمارا صوبہ پیچھے رہے گا۔انہوں نے کہا کہ 2 اپریل کو سینیٹ کے الیکشن کے بعد حکومت مکمل ہو جائے گی، مشکل فیصلے کرنے ہوں گے، اْمید ہے بحران سے نکل جائیں گے۔ انہوں نے کہا کہ اسپیکر خیبر پختونخوا چاہتے ہیں مخصوص نشستیں جیتنے والے حلف نہ لیں، اگر اسپیکر نے حلف نہ لیا تو قانون کا سامنا کرنا پڑے گا۔ انہوں نے کہا کہ وفاقی حکومت سے درخواست کی ہے خیبر پختونخوا کا جو حق ہے وہ دیا جائے۔ انہوں نے کہا کہ پنجاب اور خیبر پختونخوا میں پیپلز پارٹی کے سندھ اور بلوچستان میں مسلم لیگ ن کے گورنرز ہوں گے، نام ابھی فائنل نہیں ہوئے۔
