راولپنڈی ٌپاک فوج کے سپہ سالار جنرل سید عاصم منیر نے کہا ہے کہ پاکستان کی ترقی کے سفر میں رخنہ ڈالنے ، توجہ ہٹانے والوں کی تمام کوششیں ناکام ہونگی،منفی پروپیگنڈا ، سوشل میڈیا ٹرائلز ہماری توجہ پاکستان اور اس کے عوام کی ترقی ، خوشحالی کے لیے کام کرنے سے نہیں روک سکتے ،آئیے ہم سب مل کر منفی قوتوں کو رد کریں اور پاکستان کی ترقی استحکام کے سفر پر توجہ مرکوز کریں ۔گرین اینشیٹو پاکستان کانفرنس سے خطاب کرتے ہوئے آرمی چیف کا کہنا تھا کہ ہم سب ملکر ٹیم پاکستان ہیں انشاء اللہ عوام کے تعاون اور سپورٹ سے، پاکستان کی ترقی کے سفر میں رخنہ ڈالنے اور توجہ ہٹانے والوں کی تمام کوششیں ناکام ہونگی پاکستان کی خوشحالی اور ترقی کے سفر میں کسی قسم کا عدم استحکام برداشت نہیں کیا جائے گا۔ انہوں نے کہا کہ منفی پروپیگنڈا اور سوشل میڈیا ٹرالز ہماری توجہ پاکستان اور اْسکے عوام کی ترقی اور خوشحالی کے لئے کام کرنے سے نہیں روک سکتے آج کے دور میں معاشی استحکام کے بغیر مکمل خود مختاری کا تصور ممکن نہیں۔ آرمی چیف کا مزید کہنا تھا کہ آئیے ہم سب مل کر منفی قوتوں کو رد کریں اور پاکستان کی ترقی اور استحکام کے سفر پر توجہ مرکوز کرکے ایک ہوجائیں اور ملک کو ترقی کی جانب گامزن کریں ۔
