اسلام آباد:وزیر اعظم شہباز شریف نے گیس کی قیمت میں حالیہ اضافے پر برہمی کا اظہار کیا اور اگرا اور گیس کمپنیوں کی کارکردگی کاجائزہ لینے کیلئے احکامات جاری کر دیئے ،وزیر اعظم نے وزارت توانائی کو ایک سے 3 ماہ میں 16 ٹاسک مکمل کرنے کے احکامات جاری کئے ہیںجبکہ ایک ماہ میں گیس کی قیمتوں میں حالیہ اضافہ کا فرانزک آڈٹ کی رپورٹ پیش کرنے کی ہدایت کی ہے،وزیر اعظم نے تین ماہ میں گیس انفراسٹرکچر، گیس چوری اور ناقص کارکردگی کی رپورٹ بھی پیش کرنے اور ایران پاکستان گیس پائپ لائن منصوبے کی مانیٹرنگ کیلئے فوری طور پر بین الوزارتی کمیشن قائم کرنے کی بھی ہدایت کی ہے،وزیرا عظم نے ایک ماہ میں سرپلس بجلی کو کھپانے کیلئے نئے انڈسٹریل زون تیار کرنے کا پلان بھی طلب کرلیا ،دو ہفتوں میں گیس انفراسٹریکچر، گیس چوری اور ناقص کارکردگی کی رپورٹ اورپاور اور پٹرولیم ڈویڑن کو گردشی قرضہ کا حل تیار کرنے کے احکامات جاری کر دیئے ہیں۔
