راولپنڈی:سکیورٹی فورسز کے خیبرپختونخوا میں 21 اور 22 اپریل کو دو مختلف آپریشنز، فائرنگ کے شدید تبادلے میں گیارہ دہشت گرد مارے گئے، اسلحہ اور گولہ بارود بھی برآمد، مقامی لوگوں نے سکیورٹی فورسز کی کارروائیوں کی مکمل حمایت کی ،آئی ایس پی آر کے مطابق سکیورٹی فورسز نے ڈیرہ اسماعیل خان میں دہشت گردوں کی موجودگی کی اطلاع پر انٹیلی جنس بیسڈ آپریشن کیا، آپریشن کے دوران شدید فائرنگ کے تبادلے کے بعد دس دہشت گرد مارے گئے، دریں اثناء ضلع شمالی وزیرستان میں ایک جھڑپ کے دوران ایک اور دہشت گرد مارا گیا، دونوں آپریشنز کے دوران ہلاک دہشت گرد علاقے میں سیکورٹی فورسز پر حملوں اقر معصوم شہریوں کیخلاف دہشت گردی کی متعدد کارروائیوں میں ملوٹ تھے، ان آپریشنز کے دوران اسلحہ اور گولہ بارود بھی برآمد کیا گیا، جبکہ علاقے کے مقامی لوگوں نے سکیورٹی فورسز کی کارروائیوں کو سراہا، سکیورٹی فورسز ملک سے دہشت گردی کی لعنت کے خاتمے کے لئے پرعزم ہیں۔
