پنجاب اور سندھ اسمبلی کے اجلاس غیر قانونی طریقے سے ہوئے،بیرسٹر گوہر

اسلام آباد: تحریک انصاف کے رہنما بیرسٹر گوہر نے کہاہے کہ 8 فروری کو عوامی مینڈیٹ چھینا گیا، 86ایم این ایز نے سنی اتحاد کونسل کو جوائن کیا، سندھ میں 9 ایم این اہز نے سنی اتحاد کونسل کو جوائن کیا ہے، ہماری ٹوٹل 227 سیٹیں بنتی ہیں، الیکشن کمیشن کے کسی فیصلے نے ہمارے آئینی و قانونی ڈیمانڈز کو پورا نہیں کیا۔منگل کے روز الیکشن کمیشن کے باہر میڈیا سے گفتگو کرتے ہوئے انہوں نے کہا کہ عوام نے مینڈیٹ دیا ہے الیکشن کمیشن بھی عوامی مینڈیٹ کو مدِنظر رکھتے ہوئے فیصلہ سنائے گی، مخصوص نشستوں کے فیصلے کے بعد کوئک سیشن نہیں ہو سکتا، پنجاب اور سندھ اسمبلی کا سیشن غیر قانونی طریقے سے ہوا ہے، ہم پاکستان تحریک انصاف کے اتحادی ہیں، پاکستان تحریک انصاف 2 تھرڈ میجوریٹی سے جیتی ہے، بیرسٹر گوہر نے کہا ہمیں بلا نہیں دیا گیا تمام آزاد امیدواران ہمارے تھے، الیکشن کمیشن کی کاز لسٹ میں کیس ہی نہیں تھا، کیس نا ہونے کی وجہ سے سماعت کل تک ملتوی ہوئی ہے، حامد رضا نے کہا ہم نے 6 روز پہلے درخواست دائر کی ہے، راتوں رات ہمارے درخواست کے خلاف 6 اپیلیں دائر ہوئی اور آج نمبر بھی آلاٹ ہو گیا، ایک مینڈٹ چور کو راتوں رات پنجاب کا وزیراعلیٰ مقرر کیا گیا، آخری سانس تک پاکستان تحریک انصاف کے ساتھ ہیں۔