اسلام آباد: پی ٹی آئی کے سیکرٹری جنرل اور ممبر قومی اسمبلی عمر ایوب نے تحریک انصاف کے سیاسی قیدیوں کو فوری رہا کرنے کا مطالبہ کرتے ہوئے کہاہے کہ ملک میں جمہوریت کے فروغ کیلئے ہماری جدوجہد جاری رہے گی۔اتوار کے روز قومی اسمبلی اجلاس کے دوران وزیر اعظم کے انتخاب کے موقع پر تقریر کرتے ہوئے عمرایوب نے کہا کہ سانحہ 9 مئی کی غیر جانبدار عدالتی انکوائری کرائی جائے انہوں نے کہاکہ ہم ملک میں جمہوریت کے حامی ہیں اور آئین و قانون کی بالادستی پر یقین رکھتے ہیںانہوں نے کہا کہ یہاں سائفر کی بہت بات ہوتی ہے سائفر کیس میں بانی پی ٹی آئی کا کیا کردار ہے؟ سائفر چوری کا بیورو کریٹس سے معلوم کریں سائفر کی حفاظت بیورو کریٹس کی ذمہ داری ہے انہوں نے کہاکہ اب ایک ملک اور دو دستور نہیں چل سکتے۔انہوں نے کہا کہ اے این پی نے انٹرا پارٹی الیکشن نہیں کرایا مگر انہیں نشان مل گیا، ہم سے ہمارا انتخابی نشان لے لیا، ہمیں الیکشن میں انتخابی مہم نہیں چلانے دی گئی، ہمارے کارکن جاگ گئے اور ہم شدت سے واپس آئے، اگلے الیکشن میں ہم آپ کو دن میں تارے دکھائیں گے۔عمر ایوب نے مزید کہا کہ بشری بی بی کی خوراک کا خیال نہیں رکھا جارہا ہے، 9مئی کے واقعات کی آزادانہ انکوائری ہونی چاہئے انہوں نے کہاکہ شہبازشریف نے بیرونی سرمایہ کاری کی بات کی ہے میں کہتا ہوں کہ پہلے آپ رول آف لا کی پاسداری کی بات تو کرلیں عمر ایوب نے کہا کہ میرے لیڈر پر قاتلانہ حملہ ہوا تھا اور اس میں ایک شخص شہید ہوا تھا پی ٹی آئی کے کارکنوں کو لاپتہ کیا گیا انہوںنے کہا کہ ہمارے لیڈر نے ریاست مدینہ کی بات کی تو اس پر ظلم کے پہاڑ توڑے گئے انہوں نے کہاکہ جو واقعات ہوئے اس کے ذمہ دار شہبازشریف، محسن نقوی اور عثمان انور ہیں، آئی جی پنجاب عثمان انور ان کے گھر کا ملازم بھی کہلاتا ہے انہوں نے مزید کہا کہ محسن نقوی اور آئی جی پنجاب اس وقت بہانہ چاہتے تھے کہ افراتفری ہو۔انہوںنے کہا ہے کہ یہ کہتے تھے ہماری بات ہوگئی ہے،لگتا ہے ان کا رانگ نمبر لگا ہے ، ہم اگلے الیکشن میں آپ کو دن میں تارے دکھا ئیں گے۔قومی اسمبلی میں خطاب کے دوران عمر ایوب نے کہا کہ شہباز شریف پہلے قانون کی بالادستی کی بات کریں، ہم آئین وقانون کی بالادستی پر یقین رکھتے ہیں، ہم ملک میں جمہوریت کے حامی ہیں اور اس کے فروغ کیلئے جدوجہد جاری رہے گی۔انہوں نے کہا کہ ہمیں ماضی سے سبق سیکھ کر آگے بڑھنا ہوگا، انصاف کے بغیر کوئی معاشرہ ترقی نہیں کر سکتااور نہ ہی ایک ملک میں 2قانون چل سکتے ہیں۔چوتھی بار اس پارلیمنٹ میں آرہا ہوں، یہ پہیہ گھومتا ہے، ہم غزہ میں فلسطینیوں کی نسل کشی کی مذمت کرتے ہیں، فلسطین کے معاملے پر قرارداد لائیں گے انہوں نے کہا کہ یہ کہتے تھے ہماری بات ہوگئی ہے،لیکن لگتا ہے ان کا رانگ نمبر لگا ہے، ہمارے کپتان اور سابق چیئرمین پی ٹی آئی کی پاکستان کے عوام سے بات ہوئی تھی ہمیں قومی اسمبلی میں بھاری اکثریت ملی ہے انہوںنے کہاکہ آپ نے ہم سے ہمارا نشان چھین لیامگر ہم کھڑے رہے، اس وقت 65فیصد نوجوان ملک میں ہیں، میں پاکستان کے عوام کو داد دیتا ہوں جنہوں نے ہمیں ووٹ دیاہے انہوں نے کہاکہ ہم اگلے الیکشن میں آپ کو دن میں تارے دکھا ئیں گے۔
